Signatz la peticion tà la reobertura immediata deu Cap'Òc

Mercés de signar la peticion en linha lançada peu CREO e Òc-Bi

Ligam : https://chng.it/CGPNft6yPr

Au vist de las soas missions primordiaus tau bon foncionament de l'ensenhament en Occitan, que condemnam la decision presa per CANOPE de retirar brutaument dus professors missionnats au Cap 'ÒC (Centre d'Animacion Pedagogica en occitan) shens anticipar de continuitat pedagogica. Shens personau competent, aguerrit, experimentat e especializat en Occitan, lo CAP'ÒC ne pòt pas foncionar e l'ensemble de las soas missions que's retròba metut a mau.

Dotat d'ua equipa hèra redusida, lo CAP'ÒC que mia projèctes de grana envergadura despuish vint ans . Qu'ei ua atruna indispensabla tà tots los ensenhaires d'occitan de Navèra Aquitània e d'Occitània, qui ensenhan en primari o en segondari :

- Que participa a la difusion de la lenga occitana dens l'escolaritat de l'escolan e dens la soa familha

- Qu'assegura la creacion collaborativa e la produccion d'obratges pedagogics, d'albums joenessa, de literatura joenessa, de maletas pedagogicas, de manuaus d'ensenhament.

- Qu'assumeish lo seguit de la formacion longa « Ensenhar » a destinacion deus professors.

- Qu'intervien dens la formacion iniciau, la formacion qui contunha e pendent las animacions pedagogicas.

- Qu'acompanha e qu'ustensilha las equipas ensenhantas pendent l'obertura de navèths cursus bilingües

- Lo son centre de documentacion, a Pau, qu'ei plan frequentat .

- Que sociabiliza l'occitan per la produccion d'espectacles (Virada joen public), de projeccion de filmes (Escòla au cinèma), de supòrts numerics (contes e àlbums) plebiscitats peus parents d'escolans.

CANOPE, estructura nacionau dont depend lo CAP'ÒC que vien d'anonciar, en Comitat Academic de las Lengas Regionau, qui lo recrutament d'un personau qualificat preneré au mensh 6 mes : qu'ei inacceptable !

Aquera decision que hica en dangèr tots los esfòrç enterprés dens lo maine deu desvolopament de l'ensenhament de la lenga e de la cultura occitanas dens las nostas duas regions.

Nosauts, ensenhants, parents d'escolans, locutors e simpatizants, que demandam dab la mei grana fòrça a Dauna la Rectora de l'acadèmia de Bordèu e a Dauna la Directora generau deus servicis de CANOPE de reïntegrar M. Hervé Couture, desmetut de las soas foncions, shens fauta reconeguda, ni sancion administrativa emetuda tà qu'assegure la continuitat d'un servici public qui ei indispensable ad aqueth ensenhament, e aquò, tant qu'ac calerà e tant que nada auta persona qualificada, competenta e occitanofòna e posca assegurar aquera tasca.

Mocion conjunta Òc-Bi, CREO, UNSA, FSU e CGT – CALR Bordèu diluns 4 de deceme de 2023

Plavienguts suu site d'Òc-Bi

Adishatz ! 
Qu'ètz suu site d' ÒC-BI.
Associacion de pairs e d'ensenhaires qui a per mira la 
promocion deu bilingüisme françés/occitan hens l'ensenhament public. 
Secretariat : 16, carrièra de Pujols 47300 Vilanuèva d'Òlt
Encargats de mission :
Navèra Aquitània 
Clamenç Flouroux : ocbiaquitania@free.fr :06/33/70/12/40
Occitània 
Cleà Korol  : ocbioccitania@free.fr07/71/05/21/38
Lemosin-Perigòrd-47 
Fabien Pédegert-Saliou: ocbi.lemosin.perigord.47@free.fr : 07/50/04/26/97

Pour que vivent nos langues


Categoria : - 2020

Lo hialat Òc-Bi

Familha en lenga 2023

saut_fel_2023_page-0001.jpg

saut_fel_2023_page-0002.jpg

 

FEL_bugue_03_2023.jpg

Losera : 1600 escolans a Mende

En 2023 : causir l’occitan sus ParcourSup

parcourssup_oc.jpg

Utís pedagogics deu Congrès

Screenshot_2023-02-04_at_19-34-29_Utes_pedagogics_deu_Congrees_Ligams_utiles.png

Ressorças peus ensenhaires

Ressorcas-ensenhaires-1536x864.jpg

Ciber Conferéncias

Ciber amassadas Pairs d'escolans

Ciber réunions à destination des parents d'élèves

Avantages et conditions d'une éducation bilingue en langue occitane.